Til Skammar

Ég á ekki orð yfir þennan gjörning bændanna.

Eitt er að félagasamtök og stjórnmálamenn láti í ljós vanþóknun sína á hvað þetta fólk viðhefst í sínu heimalandi, það er þeirra réttur enda er málfrelsi á Íslandi.

En að hótel banni að hýsa viðkomandi hóp þar sem hans starfsemi í heimalandinu samræmist ekki íslenskum lögum, er fáránlegt.  Það skal tekið fram að ég hef enga skoðun á þessu fólki aðra en þá að þeim er frjálst að koma hingað til funda og skemmta sér, skoða land og þjóð  eins og annað fólk mín vegna.  Einhvern tímann lærði ég að maður væri saklaus þar til sekt þætti sönnuð.  Brjóti það hins vegar af sér á Íslandi gagnvart landslögum þá myndu væntanlega lögregluyfirvöld hér skerast í leikinn eins og þeirra skylda er.

Með sömu rökum er hægt að neita íslendingum um gistingu víða erlendis vegna Hvalveiða, sjá menn ekki hvað þetta er fáránlegur gjörningur?

Það er ekki oft sem maður skammast sín fyrir að vera íslendingur, en svo er nú.

Þetta er slæmt PR fyrir ísland og íslenskan túrisma út á við.

 

 

Hætt við klámráðstefnu hér á landi

Churchill vikunnar

Meistari Churchill á 75 ára afmælisdaginn:

I am prepared to meet my Maker. Whether my Maker is prepared for the great ordeal of meeting me is another matter.

- Winston Churchill

Eiki Hauks - jeeeeeee

Lagið er passlega einfalt og Eiki Hauks passar eins og flís við rass í þessa keppni.

Sé ekki hvernig það getur klikkað, frekar en Silvía Nótt......

Eiríkur Hauksson verður fulltrúi Íslands í Helsinki

You'll never walk alone!

Óþolandi þessir fordómar gagnvart rauðhærðum norðmönnum með strípur.

Bellamy lamdi Riise með golkylfu

Ólafur Stefánsson

Ólafur Stefánsson er maður að mínu skapi.  Hef aldrei verið neinn sérstakur aðdáandi handbolta en Ólafur er persónuleiki sem ýtir við manni.  Það sem er sérstaklega áhugavert við Ólaf er að þótt hann sé klárlega í fremstu röð í heiminum í sinni íþróttagrein þá er hann auðmýktin uppmáluð.  Ólafur gagnrýnir ekki aðra í kringum sig ef illa gengur, hann lítur alltaf fyrst í eigin barm og gagnrýnir sjálfan sig ef illa fer.  Ef vel gengur, og þá ber að líta til þess að hans ferill er nánast samfelld sigurganga, heyrir maður Ólaf aldrei stæra sig af árangri sínum.  Hann dregur sig frekar í hlé og "leitar inná við til að njóta árangursins með sjálfum sér".  Mættu margir íþróttamenn læra af honum.  Ég hjó sérstaklega eftir því nú á HM að Ólafi fannst hann hafa brugðist liði sínu og svo í annan stað þegar var farið að halla undan fæti hjá liðinu þá kom Ólafur með þá yfirlýsingu að hann hefði áhuga að halda áfram, "ef hans krafta væri óskað".  Mér finnst Ólafur Stefánsson vera hetja og góð fyrirmynd ungs fólks á Íslandi.   Á erfitt að ímynda mér íslenska landsliðið í handbolta án Ólafs, það væri hálf flatt er ég hræddur um og mikill missir af Ólafi bæði sem leikmanni og karakter þegar sá dagur rennur upp að hann hættir.  Vonandi er enn langt í þann dag.